હું વર્ષ 2015થી ભારતીય રાષ્ટ્રીય કોંગ્રેસનો સક્રિય સભ્ય તરીકે જોડાયેલો છું. રાજકારણમાં મારી યાત્રા લોકોના હિત, સામાજિક ન્યાય અને વડોદરા શહેરના સર્વાંગી વિકાસ માટેની પ્રતિબદ્ધતા પરથી પ્રેરિત છે.

સ્થાનિક સ્તરે નાગરિકોને આવતી સમસ્યાઓ — જેમ કે પાણી પુરવઠો, રસ્તા, ડ્રેનેજ, સ્વચ્છતા, લાઇટિંગ, આરોગ્ય અને શિક્ષણ જેવી મૂળભૂત સુવિધાઓ — તેના ઉકેલ માટે હું સતત કાર્યરત છું. લોકોની વાસ્તવિક જરૂરિયાતોને સમજવી, તંત્ર સુધી તેમની અવાજ પહોંચાડવો અને યોગ્ય ઉકેલ મેળવવો એ જ મારા કાર્યનો મુખ્ય ધ્યેય છે.

મારું માનવું છે કે સ્થાનિક સ્તરે નાનકડી સમસ્યાનો ઉકેલ જ મોટા પરિવર્તનનું કારણ બને છે. તેથી, દરેક નાગરિક સુધી સુવિધા, સુરક્ષા અને સમાન તક પહોંચે તે માટે હું સતત પ્રયત્નશીલ છું.